Ցանցայի՞ն, թե՞ հիբրիդային համակարգ. ինչպես ընտրել

Կարճ պատասխան. Եթե ձեր նպատակը հոսանքի վարձի նվազեցումն է, և ցանցը կայուն է, ընտրեք ցանցային համակարգը՝ այն ավելի էժան է և ավելի արագ է հետգնվում։ Եթե ձեր տարածքում հոսանքազրկումները հաճախ են, կամ որոշ սարքերի անխափան աշխատանքը կրիտիկական է, ընտրեք հիբրիդային համակարգ կուտակիչով։

Հիմնական տարբերությունը

	Ցանցային	Հիբրիդային
Կուտակիչ	Ոչ	Այո
Հոսանքազրկման ժամանակ	Անջատվում է անվտանգության նպատակով	Սնուցում է ընտրված գծերը
Ներդրում	Նվազագույն	+ կուտակիչի և հիբրիդային փոխակերպիչի արժեք
Հիմնական նպատակ	Խնայողություն	Խնայողություն + պահուստ

Ինչո՞ւ է ցանցային համակարգն անջատվում հոսանքազրկման ժամանակ

Ցանցային փոխակերպիչը սինխրոնանում է ցանցի հետ։ Երբ ցանցը անհետանում է, այն անվտանգության կանոնով պարտադիր անջատվում է, որպեսզի էներգիա չուղարկի գիծ, որի վրա աշխատում են էլեկտրիկները։ Սա անսարքություն չէ, այլ ստանդարտ պահանջ։

Ե՞րբ է կուտակիչն արդարացված

• Հոսանքազրկումները տարեկան մի քանի անգամից հաճախ են և տևում են ժամեր։
• Ունեք սարքեր, որոնց կանգը կորուստ է՝ սառնարան, պոմպ, սերվեր, դրամարկղ, տեսահսկում։
• Ցանկանում եք երեկոյան ժամերին օգտագործել ցերեկվա արտադրությունը (հատկապես net billing-ի պայմաններում)։

Ի՞նչ չի անի կուտակիչը

Կուտակիչը չի աշխատեցնի ամբողջ տունը անսահմանափակ ժամանակ։ 10 կՎտ համակարգին սովորաբար ավելացվում է 5–20 կՎտ·ժ տարողություն, և նախագծման ժամանակ որոշվում է, թե որ գծերն են սնուցվելու։ Ջրատաքացուցիչը կամ էլեկտրական ջեռուցումը սովորաբար պահուստային գծերի մեջ չեն ներառվում։

Կարելի՞ է սկսել ցանցայինից և հետո ավելացնել կուտակիչ

Այո։ Եթե ի սկզբանե տեղադրվի հիբրիդային փոխակերպիչ, կուտակիչը կարելի է ավելացնել ավելի ուշ։ Եթե տեղադրված է ցանցային փոխակերպիչ, անհրաժեշտ կլինի փոխարինել այն կամ ավելացնել առանձին կուտակիչային փոխակերպիչ։ Այս մասին արժե որոշել նախագծման փուլում։

Կասկածո՞ւմ եք. ուղարկեք ձեր սպառման տվյալները և հոսանքազրկումների հաճախականությունը, և մեր ինժեներները կհաշվարկեն երկու տարբերակը։